ღონისძიებები

ილიას სახელმწიფო უნივერსიტეტის ორგანიზებით, 2 მარტს, 18:00 საათზე, წიგნის სახლში „ლიგამუსი“ გაიმართება პანელური დისკუსია თემაზე: „გვჭირდება თუ არა სამოქალაქო განათლება?“. პანელურ დისკუსიაში მონაწილეობას მიიღებენ: გიგა ზედანია - ფილოსოფოსი, ილიას სახელმწიფო უნივერსიტეტის რექტორი; გიორგი გვალია, პოლიტოლოგი, ილიას სახელმწიფო უნივერსიტეტის ხელოვნებისა და მეცნიერების ფაკულტეტის დეკანი; თათა ცოფურაშვილი, ფილოსოფოსი, ილიას სახელმწიფო უნივერსიტეტის პროფესორი; თამარ გურჩიანი - იურისტი, ილიას სახელმწიფო უნივერსიტეტის ასოცირებული პროფესორი; თეო ხატიაშვილი - კინომცოდნე.  ილიას სახელმწიფო უნივერსიტეტის ასოცირებული პროფესორი; ნინო ჭიაბრიშვილი - განათლების ექსპერტი, ილიას სახელმწიფო უნივერსიტეტის ასისტენტ-პროფესორი, ეკა ჭითანავა - „ტოლერანტობის და მრავალფეროვნების ინსტიტუტის“ დირექტორი. დრო: 2 მარტი, 18:00 საათი ადგილმდებარეობა: წიგნის სახლი „ლიგამუსი“, ილიას სახელმწიფო უნივერსიტეტი (ჭავჭავაძის გამზ. #32) […]

6 მარტს, 20:00 საათზე, ილიას სახელმწიფო უნივერსიტეტის თეატრი გიწვევთ საქველმოქმედო სპექტაკლზე „სკაპენის ოინები“. ფრანგი დრამატურგის, ჟან-ბატისტ მოლიერის, ერთმოქმედებიანი კომედია ილიაუნის სცენაზე რეჟისორმა გოგა ქაჩიბაიამ დადგა. ბილეთის ფასი: 15 ლარი. სპექტაკლიდან შემოსული თანხა სრულად გადაირიცხება მარი ბურდულის დასახმარებლად. დრო: 6 მარტი, 20:00 საათი ადგილმდებარეობა: ილიაუნის თეატრი (ჭავჭავაძის გამზ. #32)

ილიას სახელმწიფო უნივერსიტეტმა 2016 წლის 22 თებერვლიდან დაიწყო აბიტურიენტებისთვის განკუთვნილი პროექტი - აბიტურიენტის დღე „ლიგამუსში“. პროექტის ფარგლებში, ყოველ ორშაბათს, 18:00 საათზე, ილიასსახელმწიფო უნივერსიტეტის წიგნის სახლი „ლიგამუსი” სხვადასხვა მიმართულების პროფესორებსა და ლექტორებს მასპინძლობს. ისინი აბიტურიენტებს, თავიანთ პროფესიასთან ერთად, მათ სფეროში არსებულ გამოწვევებს,მიღწევებსა და სიახლეებს აცნობენ. 7 მარტს, ორშაბათს, 18:00 საათზე, ილიაუნის წიგნის სახლში „ლიგამუსი“. მომავალ სტუდენტებს […]

10 მარტს, ხუთშაბათს, 18:00 საათზე, ილიას სახელმწიფო უნივერსიტეტის წიგნის სახლში „ლიგამუსი“, ილიაუნის სამეცნიერო კაფე გიწვევთ შეხვედრაზე სან დიეგოს სახელმწიფო უნივერსიტეტის ყოფილ პრორექტორთან, დოქტორთან, ნენსი მარლინთან. საუბრის თემა: აშშ-ის უმაღლესი განათლების პერსპექტივები (Perspectives on U.S. Higher Education). მომხსენებელი ისაუბრებს აშშ-ის  უმაღლესი განათლების სისტემაზე, კერძოდ, რით განსხვავდება ის სხვა ქვეყნების უმაღლესი განათლების სისტემებისგან; რატომ მიიჩნევა წარმატებულად და ა.შ. ლექციის შემდეგ გაიმართება დისკუსია. დრო: […]

15 მარტს 18:00 საათზე, ილიას სახელმწიფო უნივერსიტეტის E 207 აუდიტორიაში, გაიმართება პრეაქსელერატორის - Zoomout - პრეზენტაცია. დღეისთვის მსოფლიოში ძალიან ბევრი აქსელერატორია, რომლებიც ეხმარებიან სტარტაპებს პირველი ნაბიჯების გადადგმაში: აძლევენ მათ საწყის კაპიტალს, წვდომას მენტორების ქსელზე და შანსს, თავიანთი პროტოტიპი გამოსცადონ დიდ ბაზარზე და იპოვონ ინვესტორი. მაგრამ აღნიშნულ აქსელერატორებში მოხვედრა და საწყისი ინვესტიციის მიღება იოლი არ არის. […]

21-ე საუკუნე ინოვაციებისა და გამოწვევების საუკუნეა. ადამიანები ვქმნით კოსმოსურ ხომალდებს, რათა დავიპყროთ მარსი, და ელექტრომანქანებს, რათა დავიცვათ პლანეტა გლობალური დათბობისგან. თუმცა, კოსმოსური მასშტაბების გარდა, შესაძლებელია ინოვაციებით გაუმჯობესება თუნდაც ისეთი ტრადიციული დარგებისა, როგორიცაა მეფუტკრეობაა. აქსელერატორი Zoomout და FabLab Iliauni გიწვევთ ყველას, ვისაც არ გაშინებთ გამოწვევები და ვინც ერკვევით მიკროელექტრონიკასა და ინჟინერიაში. “სკა-ბიტი” - ღია პროექტია (Open […]

16 მარტს, 14:00 საათზე, ილიას სახელმწიფო უნივერსიტეტის E207 აუდიტორიაში გამომცემლობა „შპრინგერის“ (Springer) გეოგრაფიისა და კლიმატის რედაქტორი, დრ. მიხაელ ლოიხნერი წაიკითხავს საჯარო ლექციას თემაზე: „როგორ გამოვაქვეყნოთ სამეცნიერო წიგნები და სტატიები“. ლექციის დასრულების შემდეგ მიხაელ ლეხნერი ამ თემასთან დაკავშირებით გაუწევს ინდივიდუალურ კონსულტაციებს დაინტერესებულ პირებს. ლექცია წარიმართება ინგლისურ ენაზე. მომხსენებლის შესახებ მიხაელ ლოიხნერი „Springer Nature“-ის დედამიწის შემსწავლელ მეცნიერებათა, გეოგრაფიისა […]

17 მარტს, 14:00 საათზე, ილიას სახელმწიფო უნივერსიტეტის A 101 აუდიტორიაში, კამპანიის - „ეს შენ გეხება, ისევ გვისმენენ“ - ფარგლებში, ინფორმაციის თავისუფლების ინსტიტუტის დირექტორი, დავით კლდიაშვილი, და სამოქალაქო განვითარების სააგენტოს (სიდა) ხელმძღვანელი, ზვიად დევდარიანი, გამართავენ შეხვედრას სტუდენტებთან. შეხვედრაზე ორგანიზატორები ისაუბრებენ კამპანიის შინაარსზე და სამომავლო გეგმებზე. კამპანია - „ეს შენ გეხება, ისევ გვისმენენ“ ბოლო პერიოდში გავრცელებული ფარული […]

17 მარტს, 17:00 საათზე, ილიას სახელმწიფო უნივერსიტეტის A 101 აუდიტორიაში ილიაუნის სტუდენტებისთვის გაიმართება საჯარო ლექცია/დისკუსია თემაზე:„საქართველოს ეროვნული ანტიკორუფციული პოლიტიკა და საჯარო სამსახურის რეფორმა“. საჯარო ლექცია/დისკუსია გაიმართება საქართველოს იუსტიციის სამინისტროსა და საჯარო სამსახურის ბიუროს ერთობლივი კამპანიის ფარგლებში, რომელიც მიზნად ისახავს სტუდენტების ინფორმირებას ანტიკორუფციულ საკითხებთან დაკავშირებით. ანტიკორუფციულ საკითხებზე საინფორმაციო კამპანიის ფარგლებში, სტუდენტებს ექნებათ შესაძლებლობა, დასვან შეკითხვები და […]

17 მარტს, 19:00 საათზე, ილიას სახელმწიფო უნივერსიტეტის წიგნის სახლში „ლიგამუსი“ ილიაუნის ლიტერატურული კლუბი და გამომცემლობა „წიგნები ბათუმში“ გიწვევთ დენიელ კიზის რომანის - „ბილი მილიგანის მრავალი გონება“ - ქართული თარგმანის პრეზენტაციაზე. წიგნის შესახებ ისაუბრებს მთარგმნელი თინათინ ხომერიკი. ნაწყვეტი რომანის წინასიტყვაობიდან: „ეს წიგნი დაწვრილებით მოგვითხრობს უილიამ სტენლი მილიგანის შესახებ. ის პირველი ადამიანია აშშ-ში, რომელიც ერთგვარი ფსიქიკური დარღვევის […]

18 მარტს 13:00 საათზე, ილიას სახელმწიფო უნივერსიტეტის E 207 აუდიტორიაში (ჩოლოყაშვილის გამზ. #3/5), ილიაუნის ბიზნესის სკოლის ორგანიზებით, „თიბისი ბანკის“ მარკეტინგის დეპარტამენტის ხელმძღვანელი, ნინო ეგაძე, წაიკითხავს საჯარო ლექციას თემაზე: „სოციალური და კულტურული პროექტები საბანკო სფეროს მარკეტინგში“. დასწრება თავისუფალია.

2016 წლის 18 მარტს, 13:00 საათზე, ილიას სახელმწიფო უნივერსიტეტის A101 აუდიტორიაში გაიმართება საინფორმაციო შეხვედრა Erasmus + მიმდინარე კონკურსების შესახებ. შეგახსენებთ, რომ პროგრამა გულისხმობს ბაკალავრების, მაგისტრანტების, დოქტორანტებისა და აკადემიური/ადმინისტრაციული პერსონალის მობილობას ევროპის ქვეყნების სხვადასხვა უმაღლეს სასწავლებელში. მიმდინარე კონკურსების შესახებ ინფორმაცია იხილეთ აქ. დამატებითი კითხვების შემთხვევაში, მოგვმართეთ ილიას სახელმწიფო უნივერსიტეტის საგარეო ურთიერთობების სამსახურს. საკონტაქტო ინფორმაცია: მისამართი: ჩოლოყაშვილის გამზ. #3/5, ოთახი E 208 ტელ: 2 22 00 09 (367) ელფოსტა: erasmusplus@iliauni.edu.ge

19 მარტს, 13:00 საათზე, ილიას სახელმწიფო უნივერსიტეტის E207 აუდიტორიაში (ჩოლოყაშვილის გამზ. #3/5), ილიაუნის მართვის ინსტიტუტის ორგანიზებით, ლიდერთა სკოლის წევრებთან მასტერკლასს ჩაატარებს ჰარვარდის ბიზნესის სკოლის კურსდამთავრებული, მაია მელიქიძე. მასტერკლასის თემაა: „როგორ მოვხვდეთ მსოფლიოს საუკეთესო უნივერსიტეტში - ჰარვარდის გამოცდილება“. დასწრება თავისუფალია.

21 მარტს, ორშაბათს, 16:00 საათზე, ილიას სახელმწიფო უნივერსიტეტის E207 აუდიტორიაში, ილიაუნის სამეცნიერო კაფე და საბუნებისმეტყველო მეცნიერებებისა და საინჟინრო ფაკულტეტი, იაპონიისა და თურქეთის უნივერსიტეტებიდან მოწვეული ევოლუციური ბიოლოგებისა და ეკოლოგების მონაწილეობით, გიწვევთ სამუშაო შეხვედრაზე: "ევოლუციური და ბიოგეოგრაფიული კვლევები ახლო და შორეულ აღმოსავლეთში". შეხვედრის ბოლოს გათვალისწინებულია დისკუსია. შეხვედრის განრიგი და თემატიკა დრო: 16:00-16:10 საათი მისალმება: დავით თარხნიშვილი (ილიას […]

ილიას სახელმწიფო უნივერსიტეტმა 2016 წლის 22 თებერვლიდან დაიწყო აბიტურიენტებისთვის განკუთვნილი პროექტი - აბიტურიენტის დღე „ლიგამუსში“. პროექტის ფარგლებში, ყოველ ორშაბათს, ილიას სახელმწიფო უნივერსიტეტის წიგნის სახლი „ლიგამუსი” სხვადასხვა მიმართულების პროფესორებსა და ლექტორებს მასპინძლობს. ისინი აბიტურიენტებს, თავიანთ პროფესიასთან ერთად, მათ სფეროში არსებულ გამოწვევებს, მიღწევებსა და სიახლეებს აცნობენ. 21 მარტს, ორშაბათს, 18:00 საათზე, ილიაუნის წიგნის სახლში „ლიგამუსი“ მომავალ სტუდენტებს […]

22 მარტს, 12:00 საათზე, ილიას სახელმწიფო უნივერსიტეტის E207 აუდიტორიაში (ჩოლოყაშვილის გამზ. #3/5), ილიაუნის მეწარმე კურსდამთავრებულთა ცენტრი, ილიაუნის მართვის ინსტიტუტთან თანამშრომლობით, აგრძელებსყოველთვიური მასტერკლასების სერიას - EANET TALKS და გიწვევთ ილიაუნის მეწარმე კურსდამთავრებულის, გიორგი კენჭუაშვილის, მასტერკლასზე: „როგორ ხდება სტუდენტი წარმატებული მეწარმე“. დასწრება თავისუფალია.

22 მარტს, 13:00-დან 15:00 საათამდე, ილიას სახელმწიფო უნივერსიტეტი უმასპინძლებს ავსტრიულ განათლების ფორუმს. ფორუმზე გექნებათ შესაძლებლობა გაეცნოთ ავსტრიული განათლების მოდელს, ავსტრიაში უმაღლესი განათლების მიღებისა და დაფინანსების შესაძლებლობებს. ფორუმის დეტალური პროგრამა იხილეთ აქ. დრო: 22 მარტი, 13:00 საათი ადგილმდებარეობა: ილიას სახელმწიფო უნივერსიტეტის B202 აუდიტორია (ჭავჭვაძის გამზ. #32) სამუშაო ენა: ქართული, რუსული, ინგლისური დასწრება თავისუფალია.

22 მარტს, 18:00 საათზე, ილიას სახელმწიფო უნივერსიტეტის A 101 აუდიტორიაში გაიმართება საჯარო შეხვედრა თემაზე: არა ცენზურას უნივერსიტეტში! უკანასკნელი პერიოდის მოვლენები ცხადად აჩვენებს, რომ საქართველოს უნივერსიტეტები საფრთხის წინაშე დგას: არსებობს თემები, რომელთა აკადემიურ სივრცეში განხილვას გარკვეული ჯგუფები თუ ინსტიტუტები ეწინააღმდეგებიან. ბოლო თვეებში საქართველოს უნივერსიტეტებზე ექსტრემისტული ჯგუფების მიერ განხორციელებული ზეწოლა და აკადემიური ღონისძიებების ჩაშლის მცდელობები განგაშის საფუძველს […]

22 მარტს, სამშაბათს, 19:00 საათზე, ილიას სახელმწიფო უნივერსიტეტის E 207 აუდიტორიაში ილიაუნის სამეცნიერო კაფე გიწვევთ შეხვედრაზე აბასთუმნის ასტროფიზიკური ობსერვატორიის მკვლევართან და კანზასის უნივერსიტეტის პროფესორთან, ლადო სამუშიასთან. შეხვედრის თემაა: დაკვირვებითი კოსმოლოგიის ხუთი მნიშვნელოვანი აღმოჩენა. დაკვირვებითი კოსმოლოგია, როგორც მეცნიერული დისციპლინა, ასი წლისაც არაა. ერთი საუკუნის განმავლობაში ჩატარებულმა კოსმოლოგიურმა დაკვირვებებმა ბევრ უაღრესად საინტერესო და ხშირად მოულოდნელ აღმოჩენამდე მიგვიყვანა. […]

23 მარტს, ოთხშაბათს, 19:00 საათზე, ილიას სახელმწიფო უნივერსიტეტის თეატრის სცენაზე შედგება ელექტროაკუსტიკური მუსიკის კონცერტი, რომელზეც შესრულდება უნივერსიტეტის ელექტროაკუსტიკური და კომპიუტერული მუსიკის სტუდენტებისა და ლექტორების კომპოზიციები. დრო: 23 მარტი, 19:00 საათი ადგილმდებარეობა: ილიას სახელმწიფო უნივერსიტეტის თეატრი (ჭავჭავაძის გამზ. #32)

24 მარტს, 16:00 საათზე, ილიას სახელმწიფო უნივერსიტეტის A 101 აუდიტორიაში გაიმართება საინფორმაციო შეხვედრა Erasmus + პროგრამის მიმდინარე კონკურსების შესახებ. პროგრამა Erasmus + გულისხმობს ბაკალავრების, მაგისტრანტების, დოქტორანტებისა და აკადემიური/ადმინისტრაციული პერსონალის მობილობას ევროპული ქვეყნების უმაღლეს სასწავლებლებში. მიმდინარე კონკურსების შესახებ სრული ინფორმაცია იხილეთ ბმულზე: http://iliauni.edu.ge/ge/iliauni/samsaxurebi-da-servisebi-7/sagareo-urtiertobebis-samsaxuri-208/gacvliti-programebi/erasmus23/mimdinare-konkursebi დამატებითი კითხვების შემთხვევაში, მიმართეთ ილიას სახელმწიფო უნივერსიტეტის საგარეო ურთიერთობების სამსახურს. საკონტაქტო ინფორმაცია მის.: ჩოლოყაშვილის გამზ. 3/5, ოთახი E 208 ტელ: 2 22 00 09 (შიდა ნომერი: 367) ელფოსტა: erasmusplus@iliauni.edu.ge შეხვედრის დრო: 24 მარტი, 16:00 საათი ადგილმდებარეობა: ილიას სახელმწიფო უნივერსიტეტის A 101 აუდიტორია (ჭავჭავაძის გამზ. #32) დასწრება თავისუფალია.

24 მარტს, ხუთშაბათს, 17.00 საათზე, ილიას სახელმწიფო უნივერსიტეტის თეატრის სცენაზე კონცერტს გამართავს ფრანგი მუსიკოსი სტრასბურგიდან ბარიშ ეიშანი. ბარიშ ეიშანი პოპულარიზაციას უწევს ხმელთაშუა ზღვის აუზის ტრადიციულ მუსიკას და უკრავს ანატოლიურ მუსიკალურ ინსტრუმენტზე - ჯურა. სექტემბრის თვიდან ის მოგზაურობს აღმოსავლეთ ევროპის ქვეყნებში, სტუმრობს სკოლებსა და უნივერსიტეტებს, ატარებს კონცერტებს და არა მხოლოდ ეცნობა ადგილობრივ კულტურას, ფოლკლორს, არამედ სწავლობს კიდეც მათ […]

24 მარტს, 19:00 საათზე, ილიას სახელმწიფო უნივერსიტეტის წიგნის სახლში ”ლიგამუსი“ ილიაუნის ლიტერატურული კლუბი და ”ქარჩხაძის გამომცემლობა“ გიწვევთ ახალი სერიის - "ქართული ალტერნატიული პროზა" - და მისი პირველი წიგნის პრეზენტაციაზე. წიგნს - სახელწოდებით, ”გურამ რჩეულიშვილი“ წარადგენენ ლიტერატურათმცოდნე თამაზ ვასაძე და ლიტერატურის კრიტიკოსი ლევან ბრეგაძე. ნაწყვეტი წიგნის ბოლოსიტყვაობიდან: ”გურამ რჩეულიშვილი გამორჩეული მოვლენაა თანამედროვე ქართულ ლიტერატურაში. მწერალს მხოლოდ […]

25 მარტს, 14:00 საათზე, ილიას სახელმწიფო უნივერსიტეტი, ფრანკოფონიის დღეების ფარგლებში, ტრადიციისამებრ, მასპინძლობს პატარძეულის ქართულ-ფრანგულ სკოლა-ლიცეუმს, რომლის მოსწავლეები წარმოადგენენ შემდეგ პროგრამას:  მოეწყობა სხვადასხვა კონკურსში მონაწილე 10 ახალგაზრდა გამომგონებლის მიერ შექმნილი პროექტების გამოფენა/პრეზენტაცია;  წარმოდგენილი იქნება ორი ფრანგულენოვანი მინისპექტაკლი: Il dessine le visage du bonheur - spectacle poétique consacré à Jacques Prévert ("ის ხატავს ბედნიერების სახეს" - ჟაკ […]

25 მარტს, 16:00 საათზე, ილიას სახელმწიფო უნივერსიტეტის F 415 აუდიტორიაში გაიმართება ევრაზიისა და აღმოსავლეთ ევროპული კვლევების ეროვნული საბჭოს მიერ 2016-2017 აკადემიური წლისათვის კარნეგის კვლევითი სტიპენდიის მოსაპოვებლად გამოცხადებული კონკურსის პრეზენტაცია. კონკურსში მონაწილეობის მიღება შეუძლიათ მკვლევრებს, რომელთაც არ სურთ აკადემიური ხარისხის მიღება შეერთებული შტატების უნივერსიტეტებსა და ინსტიტუტებში. მონაწილეები კვლევას ჩაატარებენ სოციალური და ჰუმანიტარული მეცნიერებების სფეროში; სტიპენდიატები კვლევებს […]

25 მარტს, 19:00 საათზე, ილიას სახელმწიფო უნივერსიტეტის წიგნის სახლში „ლიგამუსი“, ლიბერალიზმის სასწავლო ცენტრის ორგანიზებით, გიორგი მშვენიერაძე წაიკითხავს საჯარო ლექციას თემაზე: ჯონ სტიუარტ მილის „თავისუფლების შესახებ“ („On Liberty“). ლექციაზე მიმოხილული იქნება სამოქალაქო, ანუ საზოგადოებრივი, თავისუფლება; იმ ძალაუფლების ბუნება და საზღვრები, რომელიც საზოგადოებამ შეიძლება კანონიერად განახორციელოს ინდივიდზე. მომხსენებლის შესახებ გიორგი მშვენიერაძე თბილისის თავისუფალი უნივერსიტეტის ასისტენტ-პროფესორი და ამავე უნივერსიტეტის […]

28 მარტს, 13:00 საათზე, ილიას სახელმწიფო უნივერსიტეტის E 207 აუდიტორიაში, ილიაუნის ბიზნესის სკოლის ორგანიზებით, კომპანიის - JAPANESE TOBACCO INTERNATIONAL (JTI) - იურიდიული განყოფილების დირექტორი, დავით თომაძე, წაიკითხავს საჯარო ლექცია თემაზე: „Change management: Your role as a leader“. მომხსენებლის შესახებ დავით თომაძემ  2004 წელს დაასრულა ივანე ჯავახიშვილის სახელობის თბილისის სახელმწიფო უნივერსიტეტი და სწავლა განაგრძო ჰელსინკის უნივერსიტეტში, […]

28 მარტს, 14:00 საათზე, ილიას სახელმწიფო უნივერსიტეტის წიგნის სახლში „ლიგამუსი“, აუტიზმის ცნობადობის გაზრდის საერთაშორისო დღესთან დაკავშირებით, გაიმართება თამარ ტაბახმელაშვილის საჯარო ლექცია თემაზე: „ენობრივი და კომუნიკაციური უნარები აუტიზმის სპექტრის მქონე ბავშვებსა და მოზარდებში“. განსახილველი საკითხებია: რა არის აუტიზმის სპექტრი; მოკლედ დიაგნოსტიკის კრიტერიუმების შესახებ; რამდენიმე ცნობილი პიროვნება აუტიზმის ისტორიაში; შეიძლება თუ არა საუბარი აუტიზმის სპექტრის მქონე პირებზე, […]

3-28 აპრილს, პრეაქსელერატორი Zoomout ყველა დაინტერესებულ მსურველს სთავაზობს სტარტაპ-სესიებს, რომელთა მიზანია, დაეხმაროს დამწყებსა თუ მოქმედ მეწარმეებს გამოცდილების გაზიარებასა და ახალი ცოდნის მიღებაში. გარდა ცოდნის მიღებისა, აღნიშნული ტრენინგების ერთ-ერთი ძირითადი დანიშნულებაა აღნიშნულ სფეროში მყოფი ხალხის ერთმანეთთან დაკავშირება. ამიტომაც, ის ღიაა არა მხოლოდ სტუდენტებისთვის, არამედ ნებისმიერი მსურველისთვის. ტრენინგების განრიგი ტრენერი: დავით ჩეჩელაშვილი სახელწოდება: როგორ ვითარდება ტექნოლოგიები თემატიკა: […]

1-ლ აპრილს, პარასკევს, 18:30 საათზე, ილიას სახელმწიფო უნივერსიტეტის, E207 აუდიტორიაში, გაიმართება ილიაუნის დიმიტრი უზნაძის ფსიქოლოგიის ინსტიტუტის წლიური ანგარიშის პრეზენტაცია. დღის წესრიგი დრო: 18:30 საათი პრეზენტაციის გახსნა, მისალმება დრო: 18:35 საათი მომხსენებელი: ნინო ჯავახიშვილი, ინსტიტუტის დირექტორი თემა: 2015 წლის ანგარიშის პრეზენტაცია დრო: 18:45 საათი მომხსენებელი: ნინო ჯავახიშვილი, ინსტიტუტის დირექტორი თემა: საზომი ინსტრუმენტების ვალიდაცია დრო: 18: 55 საათი მომხსენებელი: ნინო სხირტლაძე, მთავარი მეცნიერ-თანამშრომელი / მკვლევარი თემა: იდენტობის განვითარების კვლევის ამჟამინდელი მონაცემები და სამომავლო განვითარება დრო: 19:05 საათი მომხსენებელი: ირაკლი ქავთარაძე, პროექტის კოორდინატორი თემა: პროექტის - „დიმიტრი უზნაძის მემკვიდრეობის შენარჩუნება, პოპულარიზაცია და განვითარება“ - პრეზენტაცია დრო: 19:15 საათი ფურშეტი პრეზენტაციის დრო: 1-ლი აპრილი, 18:30 საათი ადგილმდებარეობა: ილიას სახელმწიფო […]

28-30 მარტს, 17:00 საათზე, ილიას სახელმწიფო უნივერსიტეტის E207 აუდიტორიაში ილიაუნის ტექნოლოგიების კომერციალიზაციის ოფისი, ილიას სახელმწიფო უნივერსიტეტის სტუდენტებისთვის ატარებს ტრენინგების ციკლს სახელწოდებით: „ინოვაციების მენეჯმენტი და თანამედროვე ტექნოლოგიური ტენდენციები". ტრენინგების განრიგი და თემატიკა დრო: 28 მარტი, 17:00 საათი თემა: ინოვაციების მენეჯმენტი და თანამედროვე ტექნოლოგიური ტენდენციები ტრენერი: ეკა ლეფსვერიძე, ტექნოლოგიების კომერციალიზაციის ოფისის დირექტორი დრო: 29 მარტი, 17:00 საათი თემა: ინოვაციური მეწარმეობა ტრენერი: თათია ბრეგვაძე, ტექნოლოგიების კომერციალიზაციის ოფისის ადმინისტრაციული ასისტენტი დრო: 30 მარტი, 17:00 საათი თემა: ინტელექტუალური საკუთრება და მისი დაცვის ღონისძიებები ტრენერი: თეონა ბებია, ტექნოლოგიების კომერციალიზაციის ოფისის პატენტისა და ლიცენზირების სპეციალისტი ტრენინგების ყველა მონაწილეს გადაეცემა დამადასტურებელი სერტიფიკატი. ტრენინგებში მონაწილეობის მსურველები უნდა […]

28 მარტს, 19:00 საათზე, ილიას სახელმწიფო უნივერსიტეტის წიგნის სახლში „ლიგამუსი“, ილიას სახელმწიფო უნივერსიტეტის სამართლის სკოლა, აღმოსავლეთ-დასავლეთის მართვის ინსტიტუტის პროგრამასთან - „კანონის უზენაესობის მხარდაჭერა საქართველოში“(PROLoG) - თანამშრომლობით, გიწვევთ საჯარო დისკუსიაზე: გენდერული თანასწორობის საკითხები ადამიანის უფლებათა ახალი სამოქმედო გეგმის მიხედვით. მომხსენებელი: სოფო ჯაფარიძე - საქართველოს პრემიერმინისტრის თანაშემწე ადამიანის უფლებათა და გენდერული თანასწორობის საკითხებში; მოდერატორი: თამარ გურჩიანი - […]

29 მარტს, 12:00 საათზე, ილიას სახელმწიფო უნივერსიტეტის A 101 აუდიტორიაში, ფრანკოფონიის დღეების ფარგლებში, ფრანგი პროფესორი, ლიტერატურათმცოდნე ჟაკ გოდიე წაიკითხავს საჯარო ლექციას თემაზე „ვიქტორ ჰიუგო - თავისუფლებისთვის მებრძოლი“. ლექციის ენა: ფრანგული (თანმიმდევრული ქართული თარგმანით) დრო: 29 მარტი, 12:00 საათი ადგილმდებარეობა: ილიას სახელმწიფო უნივერსიტეტის A 101 აუდიტორია (ჭავჭავაძის გამზ. #32) დასწრება თავისუფალია.

29 მარტს, 18:00 საათზე, ილიას სახელმწიფო უნივერსიტეტის წიგნის სახლში „ლიგამუსი“, ბავშვის განვითარების ინსტიტუტის ყოველთვიური საჯარო ლექციების ფარგლებში, პროფესორი ქეთევან მაყაშვილი წაიკითხავს საჯარო ლექციას: „ანტიციპაციის პროცესი ბავშვის სწავლების, კონსულტირებისა და აბილიტაციის პრაქტიკაში“. ანტიციპაცია, ანუ ხდომილების ინდივიდური პროგნოზი და შესაბამისი მზადყოფნა, სიცოცხლისუნარიანობის ძირითადი ატრიბუტია. არსებითია მიზნობრივი კავშირი ანტიციპაციასა და განათლების ფართო გაგებას შორის, რომელიც მოკლედ ასე შეიძლება იყოს ფორმულირებული: „განათლება […]

30 მარტს, 13:00 საათზე, E 207 აუდიტორიაში, ილიას სახელმწიფო უნივერსიტეტის ბიზნესის სკოლის ინიციატივით, ორგანიზაციის - „საერთაშორისო გამჭვირვალობა - საქართველო“  - აღმასრულებელი დირექტორი, ეკა გიგაური, წაიკითხავს საჯარო ლექციას: თანამედროვე ორგანიზაციების მიღწევები და გამოწვევები. ლექციის ფარგლებში, განიხილება შემდეგი თემები: რა არის მნიშვნელოვანი იმისთვის, რომ გახდე წარმატებული ლიდერი; როგორ უნდა გადაჭრა პრობლემა ისე, რომ ის წარმატებულ ქეისად იქცეს; […]

30 მარტსა და 6 აპრილს, 19:00 საათზე, ილიას სახელმწიფო უნივერსიტეტის თეატრის ფოიეში, ილიაუნის მუსიკის ცენტრის ინიციატივით, გერმანიაში მოღვაწე ახალგაზრდა ქართველი პიანისტი, „Steinway & Sons“-ის პირველი პრემიის მფლობელი, ნინო კოტრიკაძე ჩაატარებს ტრენინგებს ილიაუნის სტუდენტებისთვის. ტრენინგების მიზანია, დაეხმაროს სტუდენტებს საკუთარი საკონცერტო და საფესტივალო ცხოვრების მართვაში, კერძოდ კი, ისეთი ჩვევების გამომუშავებაში, როგორებიცაა: შემოქმედებითი ბიოგრაფიის დაწერა, საკუთარი ვებგვერდის კონცეფციის […]

31 მარტს, ხუთშაბათს, 15:00 საათზე, ილიას სახელმწიფო უნივერსიტეტის წიგნის სახლში „ლიგამუსში“, ილიაუნის პოეზიის კლუბის ორგანიზებით, საბაკალავრო კურსის - „რა არის პოეზია; პოეტები და მუზები" - ფარგლებშიმთარგმნელი დალილა გოგია წაიკითხავს საჯარო ლექციას თემაზე: სიყვარულის მრავალკუთხედი: ტედ ჰიუზი - სილვია პლათი - ასია ვევილი. მთარგმნელი წაიკითხავს სილვია პლათისა და ტედ ჰიუზის ქართულთარგმანებსაც. დრო: 31 მარტი, 15:00 საათი ადგილმდებარეობა: ილიას სახელმწიფო უნივერსიტეტის წიგნის სახლი „ლიგამუსი“ (ჭავჭავაძის გამზ.#32) დასწრება თავისუფალია.

31 მარტს, 18:00 საათზე, ილიას სახელმწიფო უნივერსიტეტის სამართლის სკოლის კონსტიტუციური კვლევების ცენტრის ორგანიზებით, გაიმართება შეხვედრა თემაზე:  „ტერორიზმი და გამოხატვის თავისუფლების ფარგლები“. შეხვედრის ფარგლებში, სამართლის სკოლის კონსტიტუციური კვლევების ცენტრის მკვლევრები, გიორგი მუმლაძე და გიორგი ნონიაშვილი წაიკითხავენ საჯარო ლექციებს. დღის წესრიგი გიორგი მუმლაძე - ილიას სახელმწიფო უნივერსიტეტის სამართლის სკოლის კონსტიტუციური კვლევების ცენტრის მკვლევარი. თემა: საქართველოს კანონმდებლობის მიმოხილვა. […]

31 მარტს, 19:30 საათზე, ილიას სახელმწიფო უნივერსიტეტის წიგნის სახლში „ლიგამუსი“, ილიაუნის ლიტერატურული კლუბი და „ბაკურ სულაკაურის გამომცემლობა“ გიწვევთ ახალი ლიტერატურული სერიის პრეზენტაციაზე. სერიაში - სახელწოდებით, „ლიტერატურული ოდისეა“, თავმოყრილია მრავალი ქვეყნის თანამედროვე და კლასიკური მხატვრული ნაწარმოებები, რომლებსაც მსოფლიოში უკვე კარგად იცნობენ და რომელთა უმეტესობაც ქართულ ენაზე პირველად ითარგმნება. აღნიშნული სერიით უკვე გამოვიდა: მიშელ უელბეკის „პლატფორმა“, ჰერმან […]