ღონისძიებები

8 იანვარს, პარასკევს, 16:00 საათზე, ილიას სახელმწიფო უნივერსიტეტის იტალიური კულტურის ცენტრში (ილიაუნის S კორპუსი) მოეწყობა ამავე უნივერსიტეტის იტალიური ენის პედაგოგების, მანანა სიფრაშვილისა და ციცინო ტაბატაძის, მიერ მომზადებული იტალიური ენის სახელმძღვანელოს პრეზენტაცია. პრეზენტაციას დაესწრებიან იტალიის სრულუფლებიანი ელჩი საქართველოში, ანტონიო ენრიკო ბარტოლი, იტალიის საელჩოს კულტურის ატაშე და სხვა საპატიო სტუმრები. დრო: 8 იანვარი, 16:00 საათი ადგილმდებარეობა: ილიას სახელმწიფო უნივერსიტეტის S კორპუსი, იტალიური კულტურის ცენტრი (გ. წერეთლის ქ. №3)

11 იანვარს, ორშაბათს, 16:00 საათზე, ილიას სახელმწიფო უნივერსიტეტის E306 აუდიტორიაში, ილიაუნის საბუნებისმეტყველო მეცნიერებებისა და საინჟინრო ფაკულტეტის პროფესორი, თინათინ კახნიაშვილი, ჩაატარებს სემინარს თემაზე: "ადრეული სამყაროს სურათის აღდგენა გრავიტაციული ტალღების საშუალებით". გრავიტაციული ტალღების ასტრონომია საშუალებას გვაძლევს, დავაკვირდეთ სამყაროს ევოლუციის ადრეულ სტადიებს. სემინარზე განხილული იქნება გრავიტაციული ტალღების სხვადასხვა წყარო - ინფლაცია, კოსმოლოგიური ფაზური გადასვლები, პირველადი მაგნიტური ველები და […]

13 იანვარს, ოთხშაბათს, 16:00 საათზე, ილიას სახელმწიფო უნივერსიტეტის მუსიკის ცენტრის ორგანიზებით, ილიაუნის თეატრის ფოიეში გაიმართება შეხვედრა ჯულიარდის სკოლისა და კოლუმბიის უნივერსიტეტის მაგისტრანტთან, პიანისტ ზურა კობახიძესთან. ზურა კობახიძე ამერიკის შეერთებულ შტატებში მოღვაწე წარმატებული ქართველი ხელოვანია. მას მრავალი ჯილდო და გრანტი აქვს მოპოვებული, მათ შორის - ბოსტონის კონსერვატორიის ბენჯამინ კასერის სასწავლო გრანტი (დაახლ.140000 აშშ დოლარი ოთხი წლის […]

14 იანვარს, 13:00 საათზე, ილიას სახელმწიფო უნივერსიტეტის E 207 აუდიტორიაში (ჩოლოყაშვილის გამზ. #3/5), ილიაუნის ბიზნესის სკოლის მკვლევარი რევაზ გერაძე წაიკითხავს საჯარო ლექციას თემაზე: "ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმება: ვალდებულებები და მოსალოდნელი შედეგები". დასწრება თავისუფალია.

18 იანვარს, 15:00 საათზე, ილიას სახელმწიფო უნივერსიტეტის B 202 აუდიტორიაში საჯარო ლექციას წაიკითხავენ მაკკეინის ინსტიტუტის დირექტორი დემოკრატიისა და ადამიანის უფლებების მიმართულებით და ორგანიზაცია Freedom House-ის ყოფილი პრეზიდენტი, დევიდ კრამერი, და სტენფორდის უნივერსიტეტის დემოკრატიის, განვითარებისა და კანონის უზენაესობის ცენტრის (CDDRL) გამოჩენილი მკვლევარი, სტენფორდის უნივერსიტეტის საერთაშორისო პოლიტიკის სწავლების Ford Dorsey პროგრამის ხელმძღვანელი, კეტრინ სტონერი. საჯარო ლექციის დასრულების შემდეგ, დევიდ კრამერსა და კეტრინ სტონერს მიენიჭებათ ილიას სახელმწიფო უნივერსიტეტის საპატიო დოქტორების წოდება. ლექციის თემა: პუტინის რუსეთი: მიმდინარე მოვლენები და რეგიონული უსაფრთხოების გამოწვევები იხილეთ საჯარო ლექციის პირდაპირი ვიდეოტრანსლაცია    

15 იანვარს, 19:00 საათზე, ილიას სახელმწიფო უნივერსიტეტის წიგნის სახლში ,,ლიგამუსი“, გაიმართება XX საუკუნის ერთ-ერთი უდიდესი პოეტის, ოსიპ მანდელშტამის, დაბადებიდან 125 წლისადმი მიძღვნილი საღამო. ტრაგიკული ბედით გამორჩეული დიდოსტატის შემოქმედებას, ბუნებრივია, საქართველოშიც ჰყავს დამფასებელნი და მკვლევარნი. ფილოლოგიის მეცნიერებათა დოქტორი, პროფესორი ზაზა აბზიანიძე ისაუბრებს მანდელშტამის მნიშვნელობაზე XX საუკუნის მსოფლიო პოეზიაში; ისტორიის დოქტორი, პროფესორი გია ჯოხაძე გაგაცნობთ ერთ თავს […]

16 იანვარს, შაბათს, 15:00 საათზე, ილიას სახელმწიფო უნივერსიტეტის იტალიური კულტურის ცენტრში - S501 აუდიტორიაში (გ. წერეთლის ქ. #1), ტუშას უნივრსიტეტის პროფესორები, ანჯელა ფატორეტი და ემანუელე რადიჩეტი, წარმოადგენენ ტუშას უნივერსიტეტის პრეზენტაციას (იტალია, ვიტერბო, ლაციო). დასწრება თავისუფალია.

18 იანვარს, 13:00 საათზე, ილიას სახელმწიფო უნივერსიტეტის E 207 აუდიტორიაში (ჩოლოყაშვილის გამზ. #3/5) ბიზნესის ადმინისტრირების მაგისტრი საბანკო-საფინანსო საქმის მიმართულებით, საბანკო საქმის ლექტორი, ბიზნესტრენერი, ლიკა ოხანაშვილი წაიკითხავს საჯარო ლექციას თემაზე: დაკრედიტება კომერციულ ბანკებში". დასწრება თავისუფალია.

18 იანვარს, 15:00 საათზე, ილიას სახელმწიფო უნივერსიტეტის B 202 აუდიტორიაში საჯარო ლექციას წაიკითხავენ მაკკეინის ინსტიტუტის დირექტორი დემოკრატიისა და ადამიანის უფლებების მიმართულებით და ორგანიზაცია Freedom House-ის ყოფილი პრეზიდენტი, დევიდ კრამერი, და სტენფორდის უნივერსიტეტის დემოკრატიის, განვითარებისა და კანონის უზენაესობის ცენტრის (CDDRL) გამოჩენილი მკვლევარი, სტენფორდის უნივერსიტეტის საერთაშორისო პოლიტიკის სწავლების Ford Dorsey პროგრამის ხელმძღვანელი, კეტრინ სტონერი. საჯარო ლექციის დასრულების შემდეგ, დევიდ კრამერსა და კეტრინ სტონერს მიენიჭებათ ილიას სახელმწიფო უნივერსიტეტის საპატიო დოქტორების წოდება. ლექციის თემა: პუტინის რუსეთი: მიმდინარე მოვლენები და რეგიონული უსაფრთხოების გამოწვევები ლექციაზე განიხილება შემდეგი საკითხები:  რუსეთის ეკონომიკური, პოლიტიკური და სოციალური განვითარება და ამ პროცესების კავშირი რეგიონული უსაფრთხოების ისეთ გამოწვევებთან, როგორებიცაა: ომი უკრაინასა და სირიაში; მწვავე დაპირისპირება ნატოსთან […]

18,19 და 20 იანვარს ილიას სახელმწიფო უნივერსიტეტის A101 აუდიტორიაში, ილიაუნის სოციალური და კულტურის კვლევების ინსტიტუტის ორგანიზებით, ბუდაპეშტის დემოგრაფიული ინსტიტუტის უფროსი მკვლევარი და ბუდაპეშტის კორვინუსის უნივერსიტეტის პროფესორი, ატილა მელეჰი, წაიკითხავს საჯარო ლექციათა ციკლს პოსტკოლონიური კვლევების შესახებ. კურსის ფარგლებში, გავაანალიზებთ პოსტკოლონიური კვლევების ცენტრალურ ფორმებსა და თეორიებს; ყურადღებას გავამახვილებთ იმაზე, თუ რა გავლენა აქვს კოლონიალიზმს გლობალურ საზოგადოებაზე, რა […]

18 იანვარს, 19:00 საათზე, ილიას სახელმწიფო უნივერსიტეტის წიგნის სახლში "ლიგამუსი" ილიაუნის სამართლის სკოლა ფილმის ჩვენებას და დისკუსიას მასპინძლობს. ნაჩვენები იქნება საქართველოს ახალგაზრდა იურისტთა ასოციაციის დოკუმენტური ფილმი „2014“ - მოკლული ქალების ხმა, მიწვდენილი საზოგადოებისთვის მათი სიკვდილის შემდეგ", რომელიც გადაღებულია პროექტის -“საზოგადოებრივი ცნობიერების ამაღლება და სახელმწიფოს საქმიანობის მონიტორინგი საქართველოში ფემიციდთან ბრძოლის მიზნით” - ფარგლებში. ფილმი გადაიღო "StudioMobile […]

20 იანვარს, 17:00 საათზე, ილიას სახელმწიფო უნივერსიტეტის B202 აუდიტორიაში, EMC-ის ფორუმის - „ჩაგვრის სოციალურ-პოლიტიკური ასპექტები: თეორია და პრაქტიკა“ - ფარგლებში, პორტუგალიელი მემარცხენე აქტივისტი, კატარინა პრინციპე, წაიკითხავს საჯარო ლექციას - ახალი მემარცხენე მოძრაობები და პარტიები ევროპაში: გადააზრება და დებატები. ლექციის შესახებ ევროპა ბოლო ათწლეულის განმავლობაში რადიკალური მემარცხენეობის რეკონსტრუქციის მოწმე გახდა. კატარინა პრინციპეს ლექცია ყურადღებას სწორედ ამ […]

21 იანვარს, 13:00 საათზე, ილიას სახელმწიფო უნივერსიტეტის E 406 აუდიტორიაში (ჩოლოყაშვილის გამზ. #3/5), ილიაუნის ბიზნესის სკოლის ორგანიზებით, ჩატარდება დასაქმების ფორუმი, რომლის ფარგლებშიც თიბისიბანკი ილიაუნის ბიზნესის სკოლის სტუდენტებს შესთავაზებს ვაკანსიებს შემდეგ პოზიციებზე: მოლარე ოპერატორი/მოლარე გაყიდვების კონსულტანტი სერვისის ადმინისტრატორი განვადების მენეჯერი

22 იანვარს, 18:30 საათზე, ილიას სახელმწიფო უნივერსიტეტის A 101 აუდიტორიაში, არისკის საქართველოს ფილიალი გიწვევთ კოტე მიქაბერიძის მხატვრული ფილმის ჩვენებაზე: „ჩემი ბებია“, რომელიც 1929 წელსაა გადაღებული. ფილმის დასრულების შემდეგ გაიმართება დისკუსია მოწვეულ სტუმართან, თბილისის სახელმწიფო უნივერსიტეტის გენდერის კვლევის დოქტორანტთან, სალომე ცოფურაშვილთან. დისკუსიის თემაა: „სოციალურ-პოლიტიკური კონტექსტი და საბჭოთა ბიუროკრატიის კრიტიკა“. ფილმს თან ახლავს ინგლისური სუბტიტრები. დისკუსიის ენაა ინგლისური. დამატებითი ინფორმაციისთვის […]

22 იანვარს, პარასკევს, 19:00 საათზე, ილიას სახელმწიფო უნივერსიტეტის მუსიკის ცენტრის თაოსნობით, ილიაუნის თეატრის ფოიეში გაიმართება საოპერო მუსიკის საღამო, რომელშიც მონაწილეობას მიიღებენ საქართველოსა და მის საზღვრებს გარეთ მოღვაწე ახალგაზრდა ქართველი საოპერო მომღერლები. კონცერტის მიზანია საოპერო ხელოვნების პოპულარიზაცია ახალგაზრდა მსმენელებში. დრო: 22 იანვარი, 19:00 საათი ადგილმდებარეობა: ილიაუნის თეატრის ფოიე (ჭავჭავაძის გამზ. #32) დასწრება თავისუფალია.

25, 26 და 27 იანვარს, 17:00 საათზე, ილიას სახელმწიფო უნივერსიტეტის E207 აუდიტორიაში ილიაუნის ტექნოლოგიების კომერციალიზაციის ოფისი ილიას სახელმწიფო უნივერსიტეტის საბუნებისმეტყველო მეცნიერებებისა დასაინჟინრო ფაკულტეტის სტუდენტებისათვის ატარებს ტრენინგების ციკლს (3 ტრენინგი) სახელწოდებით: „ინოვაციების მენეჯმენტი და თანამედროვე ტექნოლოგიური ტენდენციები" ტრენინგების განრიგი და თემატიკა დრო: 25 იანვარი, 17:00 საათი თემა: ინოვაციების მენეჯმენტი და თანამედროვე ტექნოლოგიური ტენდენციები ტრენერი: ეკა ლეფსვერიძე, ტექნოლოგიების კომერციალიზაციის ოფისის დირექტორი დრო: 26 იანვარი, 17:00 საათი თემა: ინტელექტუალური საკუთრება და მისი დაცვის ღონისძიებები ტრენერი: თეონა ბებია, ტექნოლოგიების კომერციალიზაციის ოფისის პატენტირებისა და ლიცენზირების სპეციალისტი  დრო: 27 იანვარი, 17:00 საათი თემა: ინოვაციური მეწარმეობა ტრენერი: თათია ბრეგვაძე, ტექნოლოგიების კომერციალიზაციის ოფისის ადმინისტრაციული ასისტენტი ტრენინგზე დასასწრებად, საჭიროა მარტივი სარეგისტრაციო ფორმის შევსება. სარეგისტრაციო ფორმა

26 იანვარს, 18:00 საათზე, ილიას სახელმწიფო უნივერსიტეტის წიგნის სახლში „ლიგამუსი“, ილიაუნის ბავშვის განვითარების ინსტიტუტი გიწვევთ წლიური ანგარიშის პრეზენტაციაზე. წარმოდგენილი იქნება ინსტიტუტში გაერთიანებული ბავშვთა ადრეული განვითარების ცენტრის, აუტიზმის ცენტრის, სკოლამდელი და ინკლუზიური განათლების ცენტრისა და განსაკუთრებულ მოსწავლეთა განათლების, კონსულტირებისა და რეაბილიტაციის სასწავლო პრაქტიკული ცენტრის 2015 წლის ანგარიში; ასევე, განხილული იქნება 2016 წლისთვის დაგეგმილი აქტივობები - ტრენინგები, სასერტიფიკატო პროგრამები, სერვისები და კვლევები. დრო: 26 იანვარი, 18:00 საათი ადგილმდებარეობა: წიგნის სახლი „ლიგამუსი“ (ჭავჭავაძის გამზ. #32) დასწრება თავისუფალია.

28 იანვარს, 18:00 საათზე, ილიას სახელმწიფო უნივერსიტეტის B202 აუდიტორიაში ილიაუნის ხალხური სიმღერის სტუდენტური გუნდი გიწვევთ კონცერტზე, რომელიც გუნდის რიგით მერვე სემესტრული საანგარიშო გამოსვლაა მსმენელთა წინაშე. გუნდის ხელმძღვანელია ასოცირებული პროფესორი თამაზ გაბისონია. დრო: 28 იანვარი, 18:00 საათი ადგილმდებარეობა: B202 აუდიტორია, ილიას სახელმწიფო უნივერსიტეტი (ჭავჭავაძის გამზ. #32) დასწრება თავისუფალია.

28 იანვარს, 19:00 საათზე, ილიას სახელმწიფო უნივერსიტეტის წიგნის სახლში „ლიგამუსი“, ილიაუნის ლიტერატურული კლუბი და გამომცემლობა „წიგნები ბათუმში“ გიწვევთ ნესტან-ნენე კვინიკაძის პროზაული კრებულის პრეზენტაციაზე. წიგნს - სახელწოდებით, „ისპაჰანის ბულბულები“ - წარადგენენ წიგნის ავტორი, გამომცემელი მარი კორინთელი და მწერალი და დრამატურგი ლაშა ბუღაძე. წიგნის შესახებ - მწერალი ლაშა ბუღაძე: „წიგნში ნესტან კვინიკაძის რომანები, მოთხრობები და პიესებია თავმოყრილი, თუმცა, მიუხედავად იმისა, რომ კრებული უამრავ სხვადასხვა ამბავს, პერსონაჟს, ატმოსფეროს, ტონალობას, ბგერასა თუ ფერს აერთიანებს, მკითხველს - ყოველ შემთხვევაში, ჩემნაირ მკითხველს - რჩება განცდა, რომ ავტორი ერთ დიდ, კონტრასტულ […]

28 იანვარს, ხუთშაბათს, 19:00 საათზე, ილიას სახელმწიფო უნივერსიტეტის E207 აუდიტორიაში, ილიაუნის სამეცნიერო კაფე გიწვევთ შეხვედრაზე ილიას სახელმწიფო უნივერსიტეტის ზოოლოგიის ინსტიტუტის მკვლევართან, შალვა ბარჯაძესთან. საუბრის თემაა: "საქართველოს სპელეოფაუნა". შეხვედრაზე განხილული იქნება საკითხები საქართველოს სპელეოფაუნის კვლევის ისტორიიდან და სპელეოფაუნის ფორმირების გზები; მოცემული იქნება ინფორმაცია ლოკალ-ენდემური ტროგლო და სტიგობიონტი სახეობებისდა მათი კონსერვაციული სტატუსის შესახებ. ყურადღება გამახვილდება საქართველოს მღვიმეებში […]

29 იანვარს, 19:00 საათზე, ილიას სახელმწიფო უნივერსიტეტის კომპიუტერული და მობილური თამაშების ლაბორატორიის - Gamelab Iliauni-ის ორგანიზებით, სტარტს აიღებს კომპიუტერული თამაშების შემქმნელთა ყველაზე დიდი მარათონი - Global Game Jam (GGJ). 29 იანვარს, Gamelab Iliauni თავს მოუყრის ქვეყნის მასშტაბით კომპიუტერული თამაშების ყველა მოყვარულს და ისინი ერთად დაელოდებიან  2016 წლის Global Game Jam (GGJ)-ის თემის გამოცხადებას. Gamelab Iliauni-ში ისინი შეხვდებიან მსოფლიოში […]

30 იანვარს, 11:00 საათზე, ილიას სახელმწიფო უნივერსიტეტის B202 აუდიტორიაში, ილიაუნის ახალგაზრდა მკვლევართა კლუბების ქსელის პირველი ფორუმი გაიმართება. ღონისძიება მოიცავს 2015 წლის აქტივობების შეჯამებას და კლუბების ქსელის სამომავლო გეგმების განხილვას. ფორუმის ფარგლებში, მასწავლებლებისთვის ჩატარდება საგრანტო პროექტების წერისა და ინოვაციურობის ტრენინგი. გარდა ამისა, მეწარმეობით, მათემატიკითა და ასტრონომიით დაინტერესებული პედაგოგები გაეცნობიან ინფორმაციას, რაც მათ დაეხმარება ქსელში გაწევრიანებისთვის - […]