საჯარო ლექცია თემაზე: ,,ქვეწარმავლები და მათი როლი ეკოსისტემაში“

25 მარტს, 17:00 საათზე, ილიას სახელმწიფო უნივერსიტეტის G106 აუდიტორიაში ცხოველთა მონიტორინგის სააგენტოს ინიციატივით გაიმართება საჯარო ლექციების კურსის „ყველაფერი შინაური ცხოველების შესახებ“ მორიგი ლექცია თემაზე: ,,ქვეწარმავლები და მათი როლი ეკოსისტემაში“.

საჯარო ლექციას ცხოველთა მონიტორინგის სააგენტოს ჰერპეტოლოგი შოთა ზანდუკელი წაიკითხავს.

ლექციის ძირითადი თემებია:

• ზოგადი ინფორმაცია ქვეწარმავლების შესახებ;
• საქართველოში გავრცელებული ქვეწარმავლები;
• გველების კატეგორიები და მათი ნიშან-თვისებები;
• გველებთან მოპყრობისა და უსაფრთხოების წესები;
• ქვეწარმავლების ფუნქცია ეკოსისტემის წონასწორობის შენარჩუნებაში.

ლექციაზე დამსწრეებს საშუალება ექნებათ სხვადასხვა სახეობის არაშხამიანი, უსაფრთხო ქვეწარმავალი ადგილზე ნახონ და ჰერპეტოლოგისაგან პრაქტიკული რჩევები მიიღონ.

კურსის დასრულების შემდეგ მსმენელებს სერტიფიკატები გადაეცემათ.

დრო: 25 მარტი, 17:00 საათი

ადგილმდებარეობა: G106 აუდიტორია (გ. წერეთლის ქ. N1), ილიას სახელმწიფო უნივერსიტეტი

დასწრება თავისუფალია.

[wpai_display_imported_files_here]