LIVE-საინფორმაციო შეხვედრა: რატომ ხელოვნებათმცოდნეობა?

30 ივლისს, 16:00 საათზე, ილიას სახელმწიფო უნივერსიტეტისა და საგანმანათლებლო ორგანიზაცია კინგსის ერთობლივი პროექტის „არჩევანი შენია“ ფარგლებში გაიმართება Live-საინფორმაციო შეხვედრა ხელოვნებათმცოდნეობის მიმართულებით განათლების მიღებით დაინტერესებული მოსწავლეებისთვის.

ხელოვნებათმცოდნეობის პროფესიის მნიშვნელობასა და ამ მიმართულებით ილიას სახელმწიფო უნივერსიტეტში არსებული შესაძლებლობების შესახებ მოსწავლეებს ინფორმაციას გააცნობენ ილიას სახელმწიფო უნივერსიტეტის მეცნიერებათა და ხელოვნების ფაკულტეტის პროფესორები და წარმომადგენლები:

• ნინო ჭიჭინაძე, ილიაუნის პროფესორი კულტურის კვლევების მიმართულებით;
• ხათუნა ხაბულიანი, ილიაუნის ასოცირებული პროფესორი ხელოვნებათმცოდნეობის მიმართულებით;
• სალომე ცისკარიშვილი, ილიაუნის ასოცირებული პროფესორი ხელოვნების და კულტურის კვლევების მიმართულებით;
• ნათია ბურჯანაძე, ილიაუნის მეცნიერებათა და ხელოვნების ფაკულტეტის ხარისხის განვითარების სპეციალისტი;
• გიორგი ფცქიალაძე, ილიაუნის ხელოვნებათმცოდნეობის პროგრამის კურსდამთავრებული;
• მარიამ ჩირგაძე, ილიაუნის ხელოვნებათმცოდნეობის პროგრამის სტუდენტი.

შეხვედრაზე გაეცნობით ინფორმაციას პროგრამის სტრუქტურაზე, სწავლების ფორმატსა და მეთოდებზე, მიღების პროცედურებზე, გაცვლით პროგრამებსა და დასაქმების შესაძლებლობებზე. ასევე გექნებათ შესაძლებლობა, კომენტარებში დასვათ თქვენთვის საინტერესო შეკითხვები და მიიღოთ ამომწურავი პასუხები მეცნიერებათა და ხელოვნების ფაკულტეტის პროფესორებისა და ადმინისტრაციული პერსონალისგან.

გელოდებით ხელოვნებით დაინტერესებულ მოსწავლეებს მთელი საქართველოდან 30 ივლისს, 16:00 საათზე.

შეხვედრა გაიმართება პლატფორმა ზუმის მეშვეობით.

შეხვედრის ბმული: https://bit.ly/3l4fi85

დრო: 30 ივლისი, 16:00 საათი.

პროექტის შესახებ

პროექტი „არჩევანი შენია“ ილიას სახელმწიფო უნივერსიტეტისა და საგანმანათლებლო ორგანიზაცია კინგსის თანამშრომლობით 2015 წლიდან ხორციელდება და მისი მიზანია საშუალო საგანმანათლებლო დაწესებულებების დამამთავრებელი კლასების (X-XII კლასები) მოსწავლეთა პროფორიენტაცია, რათა მათ საკუთარ ინტერესებსა და მისწრაფებებზე დაფუძნებული ინფორმირებული და დამოუკიდებელი გადაწყვეტილების მიღება შეძლონ.

ინტერაქტიულ შეხვედრებზე ილიას სახელმწიფო უნივერსიტეტის პროფესორები, მკვლევრები, სტუდენტები, კურსდამთავრებულები, პოტენციური დამსაქმებელი ორგანიზაციების წარმომადგენლები მოსწავლეებს უპასუხებენ მათთვის საინტერესო შეკითხვებზე და ამომწურავ ინფორმაციას მიაწვდიან შემდეგ საკითხებზე:

• რა ტიპის ცოდნის მიღებასა და ძალისხმევას ეფუძნება ამა თუ იმ პროფესიის საფუძვლიანად დაუფლება?
• როგორია მასთან დაკავშირებული კარიერული განვითარების შესაძლებლობები საქართველოსა და მსოფლიოში?
• ცოდნის მიღებისა და მხარდაჭერის რა შესაძლებლობებს სთავაზობს სტუდენტებს ილიას სახელმწიფო უნივერსიტეტი.

2021 წელი

[wpai_display_imported_files_here]