ლევან ბერძენიშვილის საჯარო ლექცია: „დანტეს „ღვთაებრივი კომედია“: მეორე მიახლოება – განსაწმენდელი“

16 თებერვალს, 19:00 საათზე, ილიას სახელმწიფო უნივერსიტეტის წიგნის სახლში ”ლიგამუსი”, პროექტის – “ილიაუნის მწერალი” საჯარო ლექციების სერიის  “როგორ ვისწავლოთ წერა სხვების შექმნილი დიდი პოემებისა და დრამების დახმარებით” – ფარგლებში, ჩატარდება ლევან ბერძენიშვილის მორიგი საჯარო ლექცია.

ლექციის თემა: „დანტეს „ღვთაებრივი კომედია“: მეორე მიახლოება – „განსაწმენდელი“.

ლევან ბერძენიშვილი საჯარო ლექციაზე განიხილავს შემდეგ თემებს: მცველი – კატონ უმცროსი, დანტე და თვითმკვლელობა; განკვეთილები და მომნანიებლები; მეფეთა ველი; შვიდი ცოდვა, შვიდი ასო P (peccatum); მიწიერი სამოთხე; დავიწყების მდინარე – ლეთე; გახსენების მდინარე – ევნოე; საიქიოს ხუთი მდინარე (აქერონი, სტიქსი, ფლეგეთონი, ლეთე, ევნოე)

დრო: 16 თებერვალი, 19:00 საათი
ადგილმდებარეობა: წიგნის სახლი ”ლიგამუსი”

[wpai_display_imported_files_here]