ჯანდაცვისა და დაზღვევის სკოლის II სამეცნიერო კონფერენცია

21 დეკემბერს, 11:00 საათზე, ილიას სახელმწიფო უნივერსიტეტის G 106 აუდიტორიაში ჯანდაცვისა და დაზღვევის სკოლა აწყობს II სამეცნიერო კონფერენციას სახელწოდებით – ჯანდაცვისა და დაზღვევის აქტუალური საკითხები.

კონფერენციაში მონაწილეობის მიღება შეუძლიათ მხოლოდ აკრედიტებული უმაღლესი სასწავლებლების ბაკალავრებს, მაგისტრანტებსა და დოქტორანტებს, ან დამოუკიდებელ ახალგაზრდა მკვლევრებს.

მონაწილეობის მსურველებმა 2014 წლის 1-ლი დეკემბრის ჩათვლით ელექტრონულ მისამართზე – tengiz.verulava@iliauni.edu.ge უნდა წარმოადგინონ ნაშრომები და ინგლისურენოვანი აბსტრაქტები შემდეგ მიმართულებებში:

• ჯანდაცვის პოლიტიკა და ჯანდაცვის მენეჯმენტი
• ფარმაციის პოლიტიკა და მენეჯმენტი
• საზოგადოებრივი ჯანდაცვა
• ჯანდაცვის ეკონომიკა
• სადაზღვევო საქმე

მოხსენებებს განიხილავს სამეცნიერო კონფერენციის საორგანიზაციო კომიტეტი (თენგიზ ვერულავას თავმჯდომარეობით) და მონაწილეებს პასუხს აცნობებს არაუგვიანეს 7 დეკემბრისა.

დაწვრილებითი ინფორმაცია საკონფერენციო ნაშრომების გაფორმებისა და კონფერენციის საორგანიზაციო კომიტეტის შესახებ იხილეთ აქ.

[wpai_display_imported_files_here]