ილიაუნის კიბერლაბორატორია უნილაბის პროექტი „QART NLP – ქართული ენის დამუშავების ციფრული ხელსაწყოები“

განათლების მე-11 საერთაშორისო გამოფენის ფარგლებში 27 მაისს ილიას სახელმწიფო უნივერსიტეტის კიბერლაბორატორია უნილაბის პითონის მიმართულების ხელმძღვანელი თემო ჩიჩუა გამართავს Live-შეხვედრას უნილაბის პროექტის – „QART NLP – ქართული ენის დამუშავების ციფრული ხელსაწყოები და ყალბი ნიუსის კლასიფიკატორი“ – შესახებ.

პროექტის ხელმძღვანელია თემო ჩიჩუა, მის შექმნაში აქტიურად იყვნენ ჩართულები ილიას სახელმწიფო უნივერსიტეტის სტუდენტები, პროექტის „ილიაუნი+“ ფარგლებში უნილაბის პითონის კურსის კურსდამთავრებულები:

• ნინო მარიდაშვილი – იმუშავა ვებგვერდზე, ტექსტის დამუშავების ფუნქციონალზე;
• ნინა დარსაველიძე – მოამზადა დოკუმენტაცია და ვიზუალური მასალა;
• თემურ ქიტოშვილი – შექმნა ვებგვერდის ფუნქციონალი;
• მარიამ კვანტალიანი – შექმნა ვებგვერდის მომხმარებლის ავტორიზაცია/რეგისტრაციის ფუნქციონალი;
• ალისა სანაკოევი – იმუშავა მონაცემთა ბაზებზე;
• თენგიზ პატარაია – იმუშავა ვებგვერდის ბექენდზე.

QART NLP-ს შეუძლია გაიგოს, ახალი ამბავი რა რაოდენობით შეიცავს ყალბ ინფორმაციას. პროგრამას ასევე აქვს ქართული ენის ციფრული დამუშავების მრავალი სხვა ხელსაწყო.

პროექტი QART NLP საერთაშორისო ჟიურის გადაწყვეტილებით 2021 წლის 8 მაისს წარდგენილი იყო კოპენჰაგენის ყოველწლიურ დემოკრატიის სამიტზე.

დრო: 27 მაისი, 13:40 საათი

ფორმატი: დისტანციური, პლატფორმა ZOOM-ის გამოყენებით

შეხვედრის ბმული: https://bit.ly/3hUWlmB

2021 წელი

[wpai_display_imported_files_here]