8 ნოემბერს, 12:00 საათზე, თბილისის ოლიმპიურ სასახლეში ილიაუნის ფუტსალის გუნდი მესამე ლიგის მეორე ტურის მატჩს „ტფილისის“ წინააღმდეგ გამართავს.
დავით თაბაგარის გაწვრთნილმა გუნდმა სეზონის პირველ ტურში დამაჯერებელი გამარჯვება მოიპოვა — საკმაოდ რთული მეტოქე, „ევროპის უნივერსიტეტი“, 5-2 დაამარცხა. თავის მხრივ, პირველ ტურში „ტფილისმაც“ გაიმარჯვა და „ბსუ-ს“ სძლია.
ორივე გუნდს 3-3 ქულა აქვს, შესაბამისად, მატჩი სატურნირო ცხრილში დაწინაურების თვალსაზრისით პრინციპულ მნიშვნელობას ატარებს.
პირველ ტურში გამარჯვების შემდეგ ილიაუნი ოპტიმალურ ფორმაშია და აქტიურად ემზადება მომდევნო დაპირისპირებისთვის.
ადგილმდებარეობა – თბილისის ოლიმპიური სასახლე (უნივერსიტეტის ქუჩა 15ა)
მატჩზე დასწრება თავისუფალია, გელოდებით გულშემატკივრებს.
