12 ნოემბერს, 18:00 საათზე, ილიას სახელმწიფო უნივერსიტეტის G 106 დარბაზში გაიმართება რენე ჟირარის „განტევების ვაცის“ ქართული თარგმანის პრეზენტაცია.
რენე ჟირარის თანახმად, „განტევების ვაცის მექანიზმი“ არის საზოგადოების მიერ შემუშავებული ინსტინქტური გზა შინაგანი დაძაბულობის გასაახლებლად და სოციალური სტაბილურობის შესანარჩუნებლად. როდესაც მიმეტური სურვილები ადამიანებს შორის მეტოქეობასა და კრიზისს წარმოშობს, საზოგადოება ძალადობას უდანაშაულო მსხვერპლზე, „განტევების ვაცზე“ გადაამისამართებს. ანთროპოლოგიურ, ისტორიულ და რიტუალურ კვლევებზე დაყრდნობით ჟირარი ამტკიცებს, რომ ამ უდანაშაულო მსხვერპლის გაწირვა (მკვლელობით თუ საზოგადოებიდან განდევნით) ფარავს და განმუხტავს შიდა კრიზისს, რის შედეგადაც თემში დროებითი მშვიდობა აღდგება. წიგნი მკითხველს სთავაზობს უნიკალურ გასაღებს კულტურული რიტუალების, მითებისა და კოლექტიური ძალადობის გასაგებად, რაც საშუალებას გვაძლევს ახლებურად დავინახოთ როგორც კაცობრიობის ისტორია, ისე თანამედროვე სოციალურ-პოლიტიკური პროცესები.
გამოცემაზე ისაუბრებენ მთარგმნელი პროფესორი სალომე ცოფურაშვილი და სამეცნიერო რედაქტორი თათია კეკელია.
თარგმანი სავლე წერეთლის ფილოსოფიის ინსტიტუტის სერიის, „ფილოსოფიური ბიბლიოთეკის“, მე-15 წიგნად გამოიცა (სერიის რედაქტორი და გამომცემელი თამარ ცოფურაშვილი).
სამუშაო ენა: ქართული
დრო: 12 ნოემბერი, 18:00 საათი
ადგილმდებარეობა: ილიას სახელმწიფო უნივერსიტეტის G 106 დარბაზი, გ. წერეთლის გასასვლელი N1-3
დასწრება თავისუფალია.
