უნილაბში AWS Game Day Georgia გაიმართება

8 ივლისს, 10:00 საათზე, ილიას სახელმწიფო უნივერსიტეტის T404-406 აუდიტორიაში (უნილაბი) ილიაუნის ტექნოლოგიის სკოლის DataArt Georgia-სა და AWS User Group Tbilisi- ის ერთობლივი ინიციატივით გაიმართება AWS Game Day Georgia.

GameDay არის შემეცნებით-გასართობი აქტივობა, რომელიც ამოწმებს AWSგადაწყვეტილებების დანერგვის უნარებს რეალურ სამყაროში არსებული პრობლემების გადასაჭრელად.

ეს არის პრაქტიკული შესაძლებლობა IT სფეროს პროფესიონალებისთვის და დამწყები სპეციალისტებისთვის, შეისწავლონ AWS-ის სერვისები, არქიტექტურის ნიმუშები, გაეცნონ საუკეთესო პრაქტიკებს და გამოიმუშაონ ჯგუფური მუშაობის უნარ-ჩვევები.

ღონისძიების განმავლობაში აქტივობის მონაწილეებს მიეწოდებათ ყველა საჭირო რესურსი სხვადასხვა სცენარით მუშაობისთვის.

თითოეულ გუნდს რეგისტრაციისას გადაეცემა AWS-ის ანგარიშზე წვდომისთვის საჭირო მონაცემები.

თამაშს პრეზენტაციის სახით გახსნიან Unicorn.Rentals-ის თანამშრომლები.

თითოეული გუნდი (4 წევრამდე) მიიღებს დაფას იმ ამოცანებით, რომლებიც უნდა ამოიხსნას სხვადასხვა გზით.

AWS Gameday-ზე არ არსებობს სწორი პასუხი, თითოეულ გუნდს ექნება ამოცანის ამოხსნის საკუთარი სტრატეგია, რომელიც AWS-ის ანგარიშებში წარმოდგენილი რესურსების მიხედვით უნდა შეიმუშაოს.

მონაწილეები მზად უნდა იყვნენ AWS Management Console-ში ინტენსიური მუშაობისთვის. თავიანთი ცოდნის გამოსავლენად მათ ასევე უნდა უნდა გამოიყენონ AWS-ის სერვისები. ღონისძიება მოიცავს cloud domains-ის მრავალფეროვნებას.

მონაწილეობისთვის:

მონაწილეობის მისაღებად საჭიროა დარეგისტრირდეთ ქვემოთ მითითებულ ბმულზე, რის შემდეგაც გადანაწილდებით გუნდების მიხედვით.

• იმ შემთხვევაში, თუ გსურთ, რომ მეგობრებმა ერთობლივად მიიღოთ მონაწილეობა და შექმნათ თქვენი გუნდი, გთხოვთ აღნიშნულთან დაკავშირებით აცნობოთ ორგანიზატორებს.
• იმ შემთხვევაში, თუ მონაწილეობთ გუნდთან ერთად, თითოეული წევრი უნდა დარეგისტრირდეს ინდივიდუალურად.
•  ორგანიზატორებს შეუძლიათ შეცვალონ გუნდის შემადგენლობა მონაწილეთა გამოცდილების დონის დასაბალანსებლად.

თამაშში მონაწილეობისთვის საჭიროა:

• AWS და მიკროსერვისების საფუძვლების ცოდნა;
• თავისუფლად ფლობდეთ ინგლისურს (თამაშის დროს კომუნიკაციისთვის);
•  ლეპტოპი და ადაპტერი;
•  Firefox ან Chrome.

დღის წესრიგი:

• 10:00 – 10:30 – რეგისტრაცია
• 10:30 – 10:45 – მისასალმებელი სიტყვა
• 11:00 – 17:00 – AWS Game Day კონკურსი
• 17:00 – 18:00 – ნეთვორქინგი

სარეგისტრაციო ფორმა:  https://bit.ly/43qH3eo

სამუშაო ენა: ინგლისური

დრო: 8 ივლისი, 10:00

ადგილმდებარეობა: ილიას სახელმწიფო უნივერსიტეტის T კორპუსი, T404-406 აუდიტორია (UniLab),  ქ. ჩოლოყაშვილის გამზ. N3/5

დასწრება თავისუფალია!

2023

[wpai_display_imported_files_here]