სამეცნიერო კონფერენცია „ქართველური ენობრივი მრავალფეროვნება“

31 ოქტომბერსა და 1 ნოემბერს, 10:00 საათზე, ილიას სახელმწიფო უნივერსიტეტის G106 აუდიტორიაში გაიმართება პროფესორ გურამ კარტოზიას დაბადებიდან 90-ე წლისთავისადმი მიძღვნილი სამეცნიერო კონფერენცია „ქართველური ენობრივი მრავალფეროვნება“.

კონფერენციის ორგანიზატორია ილიას სახელმწიფო უნივერსიტეტის ლინგვისტურ კვლევათა ინსტიტუტი.

კონფერენციის თემები:

• ქართველური ენების ფონოლოგია, მორფოსინტაქსი და სემანტიკა;
• ქართველური ენები და ისტორიულ-შედარებითი ენათმეცნიერება;
• ქართველური ენების სოციოლინგვისტური ასპექტები;
• ქართველური ენების დიალექტოლოგია და ვარიაცია;
• ქართველური ენების ლექსიკოლოგია და ლექსიკოგრაფია;
• ქართველური ენების კონტაქტ-ლინგვისტიკა და ენობრივი ცვლილებები;
• საფრთხეში მყოფი ქართველური ენების დოკუმენტირება და აღწერა;
• ენობრივი დოკუმენტირების ეთიკური კომპონენტი;
• საფრთხეში მყოფი ენების ენობრივი დოკუმენტირებისა და დამუშავების ციფრული ხელსაწყოები და რესურსები.

პროგრამა და აბსტრაქტები იხ. ბმულზე: https://kld.iliauni.edu.ge/programme.html

სამუშაო ენა: ქართული

დრო: 31 ოქტომბერი-1 ნოემბერი, 10:00-18:00 საათი

ადგილმდებარეობა: ილიას სახელმწიფო უნივერსიტეტის G106 აუდიტორია, გ. წერეთლის ქ. N1

დასწრება თავისუფალია.