საინფორმაციო შეხვედრა სამხრეთ კორეაში სწავლით დაინტერესებული სტუდენტებისთვის

4 თებერვალს, 16:00 საათზე, ილიას სახელმწიფო უნივერსიტეტის G106 დარბაზში სამხრეთ კორეაში სწავლითა და ცხოვრებით დაინტერესებული სტუდენტებისა და ნებისმიერი მსურველისთვის გაიმართება საინფორმაციო  შეხვედრა „სწავლა და ცხოვრება სამხრეთ კორეაში: საერთაშორისო სტუდენტის გამოცდილება“.

სტუდენტი ზარინა ნურილაევა, რომელიც უკვე სამი წელია სწავლობს ინჰას უნივერსიტეტში (სამხრეთ კორეა), დამსწრეთ გააცნობს გამოცდილებას როგორც აკადემიური, ისე ყოველდღიური ცხოვრების შესახებ და ისაუბრებს შემდეგ საკითხებზე:

• კორეის უნივერსიტეტებში სტუდენტური ცხოვრების რეალობა;
• აკადემიური კულტურა, შეფასების სისტემა და სტუდენტების პასუხისმგებლობები;
• საცხოვრებელი პირობები, ცხოვრების ხარჯები და მუშაობის შესაძლებლობები;
• კულტურული განსხვავებები და ადაპტაციის პროცესთან დაკავშირებული სიძნელეები;
• პრაქტიკული ინფორმაცია სამხრეთ კორეაში სწავლის მსურველი სტუდენტებისთვის, მათ შორის – სტიპენდიების მოპოვების შესაძლებლობები.

დასასრულს გაიმართება მცირე ვიქტორინები. გამარჯვებულებს გადაეცემათ  სიმბოლური საჩუქრები.

სამუშაო ენა: ინგლისური

დრო: 4 თებერვალი, 16:00 საათი

ადგილმდებარეობა: ილიას სახელმწიფო უნივერსიტეტის G106 დარბაზი, გ. წერეთლის გასასვლელი N1-3

დასწრება თავისუფალია.