პროფესორ ფლორა რიზადტინოვას სემინარი “ჰიგსის ბოზონის პრეცეზიული შესწავლა და ახალი ფიზიკის ძიებები ატლასის ექსპერიმენტში“

22 სექტემბერს, 16:00 საათზე, ილიას სახელმწიფო უნივერსიტეტის G106 დარბაზში ოკლაჰომის სახელმწიფო უნივერსიტეტის პროფესორი ფლორა რიზადტინოვა წაიკითხავს საჯარო მოხსენებას “ჰიგსის ბოზონის პრეცეზიული შესწავლა და ახალი ფიზიკის ძიებები ატლასის ექსპერიმენტში“.

მომხსენებელი ისაუბრებს ჰიგსის ბოზონის ძირითად თვისებებსა და უახლეს პრეციზიულ გაზომვებზე, რომლებიც ეყრდნობა პროტონ-პროტონთა გაფანტვის სრულ მონაცემებს √s = 13 ტევ და 13.6 ტევის ენერგიებზე.  ეს შედეგები მიღწეულ იქნა LHC-ის ATLAS-ის ექსპერიმენტებში მე-2 და მე-3 ეტაპების (Run 2 & Run 3) პერიოდში. ასევე განიხილავს   ჰიგსის გაფანტვის კვეთებს, ურთიერთქმედებებსა და ჰიგსის წყვილურ დაბადებებს. ამას გარდა,  ახალი ფიზიკის ძიება სტანდარტულ მოდელს მიღმა წარმოადგენს კიდევ ერთი ძირითადი მამოძრავებელ ძალას LHC-ის ფიზიკის ანალიზში.

ტრადიციულად, ფიზიკოსები სტანდარტულ მოდელს მიღმა აყალიბებენ თეორიულ მოდელს და ეძებენ ამ მოდელის შესაბამის ექსპერიმენტულ სიგნალებს. არასუპერვიზიური მანქანური სწავლება ამ პარადიგმის რადიკალურ ცვლილებას გვთავაზობს, ნაცვლად იმისა, რომ ერთი თეორიული მოდელის ძიება განვახორციელოთ,  ვახდენთ ნეირონული ქსელის ისეთ სწავლებას რომ გაირჩეს რას წარმოადგენს „ნორმალური“ LHC ხდომილება და შემდეგ მოვიძიოთ  ამ ხდომილებიდან გადახრების ძიება.  პროფ. რიზადტინოვა განიხილავს  ატლასის ექსპერიმენტის ანალიზებს, რომლებიც იყენებენ ავტოინკოდერებს, რათა ვეძებოთ ახალი ფენომენი ორსხეულოვან ინვარიანტულ მასათა განაწილებებში. ახალი ფენომენების საძიებლად ორსხეულოვან ინვარიანტულ მასათა განაწილებაში.

მომხსენებლის შესახებ

ფლერა რიზატდინოვა ლომონოსოვის სახელმწიფო უნივერსიტეტში დოქტორის (PhD) ხარისხის მინიჭების შემდეგ აქტიურად განაგრძობდა კვლევებს ექსპერიმენტული მაღალი ენერგიების ფიზიკის მიმართულებით ჯერ  ATLAS-ის ექსპერიმენტში, შემდეგ კანზასის სახელმწიფო უნივერსიტეტში (აშშ) – D0 ექსპერიმენტში.  მას შემდეგ, რაც ოკლაჰომის სახელმწიფო უნივერსიტეტში პროფესორის თანამდებობა დაიკავა (აშშ),  კვლავ დაუბრუნდა ATLAS-ის ექსპერიმენტს. ამჟამად იგი არის პროფესორი და ფიზიკის დეპარტამენტის ხელმძღვანელი ოკლაჰომის სახელმწიფო უნივერსიტეტის,სტილვოტერის პროფესორი და ფიზიკის დეპარტამენტის ხელმძღვანელია. მუშაობდა  ისეთ  თემებზე, როგორებიცაა: ტევატრონი: ტოპ კარკის ფიზიკა, b-ტაგირება, სილიკონის დეტექტორის შექმნა; დიდი ჰადრონული კოლაიდერი: ჰიგსის ბოზონის ძიება და შესწავლა, პიქსელური დეტექტორი და მანქანური სწავლება მაღალი ენერგიების ფიზიკაში.

სამუშაო ენა: ინგლისური

დრო: 22 სექტემბერი, 16:00 საათი

ადგილმდებარეობა: ილიას სახელმწიფო უნივერსიტეტის G106 დარბაზი, გ. წერეთლის ქ. N1

დასწრება თავისუფალია.