ვორკშოპი და კონცერტი „პოლონური სონორიზმის კვალდაკვალ“

10 ნოემბერს, ილიას სახელმწიფო უნივერსიტეტის B201 აუდიტორიაში მეცნიერებათა და ხელოვნების ფაკულტეტთან არსებული მუსიკის ცენტრის ორგანიზებით გაიმართება ვორკშოპი და კონცერტი.

• 11:00 საათზე პოლონელი შემსრულებლები ევა ლიბხენი და ემილია კაროლინა შიტარში ჩაატარებენ ვორკშოპს. დაინტერესებულ მსმენელს წარუდგენენ ფლეიტისა და ფორტეპიანოს განვრცობილ, სონორულ შესაძლებლობებს.
• 18:00 საათზე გაიმართება კონცერტი „პოლონური სონორიზმის კვალდაკვალ“.

შესრულდება როგორც პოლონური სონორიზმის შედევრები, ისე ახალგაზრდა ქართველი კომპოზიტორის, ელენე გოგოძის, სპეციალურად ამ დუეტისთვის შექმნილი ნაწარმოები.

კონცერტის მიზანია ახალგაზრდა კომპოზიტორების დაინტერესება 1960-იან წლებში პოლონურ მუსიკაში გაბატონებული მიმდინარეობა სინორიზმით.

სონორისტულ ექსპერიმენტებს ატარებდნენ კომპოზიტორები: კშიშტოფ პენდერეცკი, ჰენრიკ მიკოლაი გურეცკი, კაზიმეჟ სეროცკი და ვიტოლდ შალონეკი და სხვები.

ამ მიმდინარეობაში აქცენტირებულია ბგერის წარმოშობა, მისი ფერი, ხანგრძლივობა და სონორობა – ყველა ეს კომპონენტი დღემდე ინარჩუნებს დიდ ინტერესს კომპოზიტორებისთვის.

დრო: 10 ნოემბერი, 11:00 საათი და 18:00 საათი

ადგილმდებარეობა: ილიას სახელმწიფო უნივერსიტეტის B201 აუდიტორია, ი. ჭავჭავაძის გამზ. N32

დასწრება თავისუფალია.