Live-საინფორმაციო შეხვედრა: რატომ სამედიცინო განათლება?

1 ივლისს, 19:00 საათზე, ილიას სახელმწიფო უნივერსიტეტისა და საგანმანათლებლო ორგანიზაცია კინგსის ერთობლივი პროექტის „არჩევანი შენია“ ფარგლებში გაიმართება Live-საინფორმაციო შეხვედრა სამედიცინო განათლებით დაინტერესებული მოსწავლეებისთვის.

სამედიცინო განათლების მნიშვნელობასა და ამ მიმართულებით ილიას სახელმწიფო უნივერსიტეტში არსებული შესაძლებლობების შესახებ სკოლის მოსწავლეებს ინფორმაციას გაუზიარებენ ილიას სახელმწიფო უნივერსიტეტის მედიცინის სკოლის პროფესორები:

• ივანე აბიათარი, მედიცინის სკოლის ხელმძღვანელი;
• ნინო მირზიკაშვილი;
• ელენე ჟურავლოვა, საბუნებისმეტყველო მეცნიერებებისა და მედიცინის ფაკულტეტის ხარისხის მართვის სამსახურის უფროსი;
• იაგორ კალანდაძე, პინეო სამედიცინო ეკოსისტემის მმართველი პარტნიორი
• მიხეილ ოკუჯავა, აკად. ფ. თოდუას სამედიცინო ცენტრის ნეირორადიოლოგიისა და ნეირომეცნიერების მიმართულების ხელმძღვანელი.

შეხვედრაზე გაეცნობით ინფორმაციას პროგრამის სტრუქტურაზე, სწავლების ფორმატსა და მეთოდებზე, მიღების პროცედურებზე, გაცვლით პროგრამებსა და დასაქმების შესაძლებლობებზე.

ასევე გექნებათ შესაძლებლობა, კომენტარებში დასვათ თქვენთვის საინტერესო შეკითხვები და მიიღოთ ამომწურავი პასუხები მედიცინის სკოლის პროფესორებისა და ადმინისტრაციული პერსონალისგან.

გელოდებით სამედიცინო განათლებით დაინტერესებულ მოსწავლეებს, მათ მშობლებს მთელი საქართველოდან 1 ივლისს, 19:00 საათზე.

შეხვედრა გაიმართება პლატფორმა ზუმის მეშვეობით.

შეხვედრის ბმული: https://bit.ly/3jttDKt

დრო: 1 ივლისი, 19:00 საათი

პროექტის შესახებ

პროექტი „არჩევანი შენია“ ილიას სახელმწიფო უნივერსიტეტისა და საგანმანათლებლო ორგანიზაცია კინგსის თანამშრომლობით 2015 წლიდან ხორციელდება და მისი მიზანია საშუალო საგანმანათლებლო დაწესებულებების დამამთავრებელი კლასების (X-XII კლასები) მოსწავლეთა პროფორიენტაცია, რათა მათ საკუთარ ინტერესებსა და მისწრაფებებზე დაფუძნებული ინფორმირებული და დამოუკიდებელი გადაწყვეტილების მიღება შეძლონ.

ინტერაქტიულ შეხვედრებზე ილიას სახელმწიფო უნივერსიტეტის პროფესორები, მკვლევრები, სტუდენტები, კურსდამთავრებულები, პოტენციური დამსაქმებელი ორგანიზაციების წარმომადგენლები მოსწავლეებს უპასუხებენ მათთვის საინტერესო შეკითხვებზე და ამომწურავ ინფორმაციას მიაწვდიან შემდეგ საკითხებზე:

• რა ტიპის ცოდნის მიღებასა და ძალისხმევას ეფუძნება ამა თუ იმ პროფესიის საფუძვლიანად დაუფლება?
• როგორია მასთან დაკავშირებული კარიერული განვითარების შესაძლებლობები საქართველოსა და მსოფლიოში?
• ცოდნის მიღებისა და მხარდაჭერის რა შესაძლებლობებს სთავაზობს სტუდენტებს ილიას სახელმწიფო უნივერსიტეტი.

[wpai_display_imported_files_here]